Raporti i Amnesty International, Këlliçi: Patronazhimi socialist, cënim i të drejtave të njeriut

Organizata ndërkombëtare për të drejtat e njeriut ‘Amnesty International’ publikoi së fundmi raportin e saj vjetor për 154 shtetet, mes tyre dhe për Shqipërinë.

Ky raport përsa i përket vendit tonë ishte fokusuar tek skandali i nxjerrjes së të dhënave të 900 mijë shqiptarëve në zgjedhjet e prillit. Sipas raportit vetëm 162 qytetarë e kanë paditur Partinë Socialiste, për shkelje të ligjit “Për mbrojtjen e të dhënave personale”.

Reagimi i Këlliçit në Facebook

Patronazhimi socialist, cënim i të drejtave të njeriut

Amnesty International ka publikuar raportin vjetor për 154 shtete, mes tyre dhe Shqipëria.

162 qytetarë e kanë paditur Partinë Socialiste për shkelje të ligjit “Për mbrojtjen e të dhënave personale”. Një tregues i frikshëm i indiferencës qytetare në raport me shkeljet e të drejtave të njeriut nga shteti i tyre por njëkohësisht tregues i mungesës totale të besimit te drejtësia.

Policia e Shtetit ka kryer përgjim masiv të qytetarëve pa autorizimin paraprak të gjykatës. Një akt jokushtetues dhe i pamoralshëm që tregon përdorimin e Policisë së Shtetit nga PS.

Zbuluar del dhe farsa e shëndetësisë shqiptare.

Sipas Avokatit të Popullit, numri i personave të infektuar me Covid-19 ishte shumë më i madh se paketat e trajtimit për të cilat ata mund të rimbursoheshin. Pacientët e diagnostikuar në periudhën mars-nëntor 2020, si dhe ata që rezultuan pozitivë nga institucionet shëndetësore private, nuk kishin të drejtë të rimbursoheshin për mjekimin.

Ky është shteti që i paguajmë taksa! Një grupim i strukturuar kusarie!

About Redaksia

Check Also

Këlliçi: 7 raste konkrete se ku fshihen paratë publike të vjedhura të inceneratorit fantazmë të Tiranës

DEKLARATË PËR MEDIA ANËTARI I KRYESISË NË PD, BELIND KËLLIÇI Të nderuar qytetarë, Jam sot …

Leave a Reply