Eksperti kontabël: Pogradeci sot është në ditë të hallit!

Rruzhdi Shkullaku-Ekspert kontabël: Nga 1 janari 2023 qeveria Rama do tatojë biznesin e vogël

Kam 25 vite që i shërbej biznesit dhe aktualisht ne sot, biznesi, si ai i vogli, apo i mesmi, pasi Pogradeci nuk ka asnjë biznes të madh, sot është në ditë të hallit. Po pse është kështu. Po ju them se sot aktualisht në Pogradec bëhet vetëm një ndërtim. Ka rënë niveli i të punësuarve.

Qeveria e Ramës jo vetëm që nuk ndërton politika zhvillimore që të përfshihen të rinjtë dhe të motivohen për të ndenjur në Shqipëri, por aplikon lloj-lloj taksash, si ai që do të vendosë në 1 janar të vitit 2023.

Biznesi i vogël duhet ta dijë, që nuk ka deri në 2029 pa tatime, por do të tatohet në atë përmasë që nuk është tatuar asnjëherë.