Berisha: Nano iku pasi ra në dijeni të aferave të Olsit dhe Çuçit

Kryetari i PD, Sali Berisha u ndal në mbledhjen e kryesisë edhe te largimi i Gledis Nanos.

“E vërteta është se ai pati fatin të bjerë në korrent dhe korrenti ishte afera e call-centerave.

Skema ishte në Tiranë, vjedhja bëhej në Gjermani. Autoritetet gjermane iu drejtuan këtij.

Iku Nano sepse 2.2 ton drogë në Itali nuk shkuan nga skafet, shkuan nga velat e klubit të Çuçit.

Atë kam pasion unë, tha ai. Dolën velat transportuesit kryesore të drogës.

Nuk ishte se po luftonte krimin ai, por pati naivitetin që të mos i mbulonte këto.

Kush iku me të? Iku edhe drejtorja e agjencisë kundër larjes së parave.

Nuk e njihja atë, sigurisht që ishte një emër formal në atë detyrë. Iku që agjencia të shndërrohet në agjencinë e larjes së parave të krimit,” tha Berisha.