Skema 2.2 miliardë euro, Rama dhe Josifi ortakë me letra tek “Pegasus”

Kreu i Partisë Demokratike, Sali Berisha akuzoi vëllain e kryeministrit Edi Rama në lidhje me përfshirjen në skemën e mashtrimeve përmes Call Center-ave.

Në fjalën e tij nga Kuvendi, Berisha theksoi se i shpalluri në kërkim për mashtrimet me Call Centerat, Amant Josifi, është ortak në kompaninë Pegaso me Olsi Ramën. Sipas ish-kryeministrit kjo është arsyeja pse u shkarkua Gledis Nano dhe pse nuk lejohet të shkojë në zyrë kreu i SHISH Helidon Pendo.

“Të ndalemi te Amant Josifi, e dini që në kompaninë Pegaso ai është ortak me dokumenta me Olsi Ramën. E dini, këtë punë e dinë të gjithë. Amanti Josifi këshilltar i Olta Xhaçkës , nuk janë gjë Forex-at përpara vjedhjes me Bitcoin, janë plot 2.2 miliardë të vjedhura. Dhe cili është rezultati, ikën Gledis Nano nuk lefohet shefi i SHISH të marrë detyrën. Cili është rezultati, ‘Skapi’ i partisë nuk e heton. Shkon dhe mbyll çështjen e inceneratorit, ku është i implikuar direkt Armando Subashi. Këndon me Ciao Bella Ciao se ia hodhëm ‘Skapit’”, tha Berisha.

Gjithashtu afera e inceneratorëve është ajo që ka marrë sërish vëmendjen dhe ka prodhuar debate të ashpra midis mazhorancës dhe opozitës në seancën parlamentare përmbyllëse për vitin 2022 që po zhvillohet prej mesditës në Kuvend.

Pas mbrojtjes që Edi Rama i bëri skemës që çoi 430 miliomnë euro në xhepat e Klodian Zotos dhe Mirel Mërtirit me firmën e tij dhe ministrave e kryebashkiakëve përkatës në Elbasan, Fier e Tiranës, lideri i opozitës Sali Berisha mori fjalën në foltore duke thënë se është kryeministri pronari dhe përfituesi direkt i koncesionit.

“Gjuhë ordineri. Argument i vetëm që nuk vjedh ka gjatësinë trupore. Në aferën 420 mln njeriu i parë kryesor ka emrin Rama. Nëse do të funksionojë në interesin tuaj e ka të thjeshtë, vetëm zbaton ligjin. Rama në aferën e inceneratorëve, pasi Ministri i Mjedisit i dërgoi shkresë agjencisë së prokurimeve për të diskutuar në lidhje me djegësat, Edmond Ahmeti i kthen përgjigje të prerë që kjo formë nuk ekziston në ligj. I dërgohet shkresa e dytë në nëntor Ahmeti kthen të njejtën përgjigje: “Negociatë e mbyllur nuk njihet në ligj”. Ja nis Kokës dhe Agaçit, përgjegjës direkt për ligjshmërinë e akteve të qeverisë. Por Edi Rama pavarësisht nga ky vendim i prokurimeve, firmos për kontratën me negociatë të mbyllur. Një kryeministër kurrë nuk e bënte këtë nëse s’do ishte kompania e tij”, tha Berisha.

Në vijim kreu i PD tha se e akuzon Ramën si personin kyç të kësaj skeme të vjedhjes së parave publike jo se është kundërshtari i tij politik, por sepse “Lefter Koka nuk kishte asnjë qindarkë në buxhetin e ministries”.

“S’mund të merrte asnjë qindarkë, buxheti votohet këtu, në buxhet ka një fond, i emergjencës rezerve i KM. Atë fond veç kryeministrit e ministrit të Financave s’e prek njeri. Rama e vuri në funksion të djegësit për të vjedhur fondin rezervë të Këshillit të Ministrave. Kur ndodh kjo? Kur sipërmarrja është e jotja. Pronarët e sipërmarrjes janë Rama i pari. Shkojmë më tutje! U morën paratë rezervë e u përdorën për tu vjedhur te inceneratorët. Kushtoi i pari 12 mln dhe u dhanë 21. Pasi u mor Elbasani do merrej Tirana që do ishte shumëfishe. Rama me Ahmetaj nëpërmjet Zotos, agjent e punonjës i tyre, bënë kërkesë të marrë bonus 8 përqind për djegësin e Tiranës. E bënë kërkesën në nëntor 2016. Qytetarë nuk është kjo një vjedhje? Ç’dokumente duhej të vërtetohet kjo? Më 7 dhjetor vendosim ti japim Integrated Energji bonusin 8 përqind kur ajo nuk ekzistonte askund”, deklaroi Berisha.

About Redaksia

Check Also

Thirrja e Berishës: Të shpëtojmë Tiranën, të premten…

Kryetari i PD Sali Berisha u ka bërë thirrje sot qytetarëve për të shpëtuar Tiranën …

Leave a Reply